Gusto kong gumising ng payapa, ng may pagnamnam sa Bagong Buhay na ipinaubaya ulit sa akin ng panibagong araw.

Nais kong dahandahang bumangon, Nagbubukas at tinatanggap ang biyayang hatid ng Ngayon habang nag-uunat, nagdadasal, umiinom ng mainit na kape o tsaa (cacao), nagmumuni-muni sa pakiramdam ng katawan.

Habang nag-uunat at unti-unting lumalapat ang diwa sa Katawan, Aking tatanungin, "Anong gusto mong isabuhay sa ngayon?" Panunuotin, makikinig, at tutugon sa udyok ng aking napakinggan.

Huhuni, hahabi. Lilikha ng naaayon sa Diwa.

Dumating ako sa mundong ito, hindi ang bilang tao kung hindi bilang Diwa. Dumating ako sa mundong ito, hindi ang bilang diwa kung hindi biang Tao.

Ako ay Kaluluwang piniling makapaglakbay sa mundo ngayon.

Ano ang nais ko isabuhay dito?

~~~