Marami pa rin akong tanong

Patungkol sa kung paano ba

Ang isang katulad ko

Ay nagkaroon ng tyansang makilala

Ang isang katulad mo

Pero paano nga ba

Nangyari ang isang milagro

Isang pagkakataong maging maligaya

Isang kaligtasan mula sa maraming peligro

Ikaw ang itinuro sa akin ng puso ko

Ikaw ang taong makabubuo sa sarili ko

Ikaw ang naroon para dinggin ako

Ikaw na nga ang natatanging kailangan ko

Bakit ikaw? Sa lahat ng tao

Hindi ko mapuna ngunit hindi na mahalaga

Ikaw lang ang sa aki'y nakakapuno

At ikaw lamang ang mahal magpasawalang hanggan